Instagram i heq privatësinë e plotë në Mesazhet Direkte, duke paralajmëruar përdoruesit të shkarkojnë mesazhet dhe fotot personale përpara se të humbasin aksesin privat.
Kompania Meta ka njoftuar se enkriptimi “end-to-end” i mesazheve private në Instagram do të hiqet zyrtarisht më 8 maj 2026. Ky ndryshim do të prekë privatësinë e miliona përdoruesve, pasi bisedat që më parë ishin të paprekshme për palët e treta, përfshirë edhe vetë Meta-n, nuk do të jenë më plotësisht të sigurta.
Meta këshillon përdoruesit që të shkarkojnë mediat dhe arkivat e bisedave ekzistuese përpara afatit, pasi versionet e vjetra të aplikacionit nuk do të mbështesin më këtë funksion.
Çfarë ndryshon me heqjen e enkriptimit “end-to-end”?
Privatësia nuk do të jetë më 100% e garantuar: Platforma mund të ketë akses teknik mbi përmbajtjen e mesazheve.
Mesazhet nuk do të jenë më të paprekshme për Meta-n, një ndryshim i madh nga sistemi aktual që e mban informacionin të sigurt edhe nga vetë kompania.
Si funksionon enkriptimi “end-to-end” aktualisht:
Mesazhet kodohen që në momentin e dërgimit: Mesazhi kodohen në telefonin tënd para se të dërgohet në serverat e Instagram-it. Vetëm telefoni i marrësit mund ta deshifrojë.
As Meta nuk mund t’i lexojë: Pa çelësin privat të marrësit, mesazhet mbeten të paprekshme, duke ruajtur privatësinë nga çdo palë e tretë.
Siguri maksimale për të dhënat e ndjeshme: Fjalëkalime, foto, video dhe biseda mbeten të mbrojtura nga sulmet e jashtme. Edhe në rast se dikush kap mesazhin në rrjet, ai nuk mund të lexohet pa çelësin privat.
Nuk ka ndërhyrje gjatë rrugës: Edhe nëse mesazhet kalojnë nga servera të shumtë ose rrjete publike, ato mbeten të koduara deri tek marrësi.
Me heqjen e këtij enkriptimi, mesazhet nuk do të jenë më të sigurta si më parë, dhe përdoruesit duhet të marrin masat për të ruajtur privatësinë e tyre.
