Tajlanda ka arritur një marrëveshje me Iranin për të lejuar kalimin e anijeve të saj të naftës përmes Ngushticës së Hormuzit, e cila është bllokuar në masë të madhe pas përshkallëzimit të luftës në Lindjen e Mesme.
Lajmi u bë i ditur nga kryeministri tajlandez Anutin Charnvirakul, i cili deklaroi se marrëveshja garanton kalim të sigurt për anijet e naftës, duke ulur shqetësimet për furnizimin me karburant të vendit.
Ngushtica e Hormuzit, një nga korridoret më të rëndësishme për transportin global të naftës, ka qenë praktikisht e paralizuar që prej nisjes së konfliktit, duke ndikuar drejtpërdrejt në tregjet ndërkombëtare të energjisë. /skyweb.al
