Delegacioni i Bashkimi Europian në Tiranë ka reaguar pas miratimit në Kuvend të ndryshimeve në ligjin “Për portet turistike në Republikën e Shqipërisë”, duke sinjalizuar shqetësime për përputhshmërinë e tyre me standardet europiane.
BE bën të ditur në një reagim për Faktoje.al se ndryshimet do të vlerësohen nga afër nga shërbimet përkatëse, me fokus të veçantë në fushën e prokurimit publik dhe respektimin e legjislacionit europian.
Sipas saj, ky legjislacion kërkon procedura transparente dhe konkurruese për dhënien e koncesioneve, përfshirë edhe në sektorin e porteve turistike.
Reagimi vë në dukje gjithashtu se teksti i ri përfshin dispozita që lidhen me ligjin për “Investitorët Strategjikë”, një kuadër ligjor që Shqipëria është angazhuar ta shfuqizojë në kuadër të procesit të integrimit europian dhe përmbushjes së kushteve për Kapitullin 27.
Delegacioni i BE-së thekson se Shqipëria duhet të shmangë çdo hap që bie ndesh me këto angazhime, duke lënë të kuptohet se ndryshimet e miratuara mund të hapin një debat të ri mbi standardet e transparencës dhe konkurrencës në dhënien e koncesioneve. /skyweb.al
