Sipas vendimit të marrë në mbledhjen e datës 18 prill 2026, çmimi i gazoilit të standardit SSH EN 590 nuk duhet të kalojë 197 lekë për litër në shitje me pakicë dhe 185 lekë për litër në shitje me shumicë. Ndërkohë, për benzinën e standardit SSH EN, tavani i çmimit është vendosur në 172 lekë për litër në pakicë dhe 160 lekë për litër në shumicë.
Vendimi ka hyrë në fuqi që sot, më 18 prill, në orën 10:30 dhe do të mbetet në fuqi deri në mbledhjen e ardhshme të Bordit, ku pritet të reflektohen ndryshimet e radhës në tregun e karburanteve.
Autoritetet u kanë bërë thirrje të gjithë operatorëve të tregtimit të nënprodukteve të naftës që të zbatojnë detyrimisht çmimet e përcaktuara. Në rast shkeljesh, paralajmërohet pezullim i aktivitetit për subjektet që nuk respektojnë vendimin.
Ministria e Ekonomisë dhe Inovacionit, në bashkëpunim me Ministrinë e Financave dhe Ministrinë e Infrastrukturës dhe Energjisë, deklaron se mbetet e angazhuar për mbrojtjen e konsumatorëve dhe garantimin e konkurrencës së ndershme në treg. /skyweb.al
