Kolegji Zgjedhor ka pezulluar vendimin e Komisionit Rregullator të KQZ-së që lejonte të burgosurit dhe pacientët afatgjatë të votonin në institucionet ku ndodhen, duke e cilësuar çështjen si të varur nga interpretimi i Gjykatës Kushtetuese për nenin 18 të ligjit për gjendjen civile.
Vendimi erdhi pas padisë së Partisë Demokratike, e cila kundërshtoi aktin e KQZ-së që i konsideronte burgjet dhe spitalet si “vendbanim” për efekt zgjedhor. Kolegji pezulloi zbatimin e këtij akti dhe i kërkoi Kushtetueses të sqarojë nëse kjo praktikë është në përputhje me Kushtetutën.
Çështja lidhet edhe me precedentë të mëparshëm, si zgjedhjet në Rrogozhinë në 2023, ku vota e të burgosurve ndikoi rezultatin dhe më pas u urdhërua përsëritja e zgjedhjeve. Pas kësaj, ligji u ndryshua në vitin 2024 për të lejuar votimin në institucionet e mbyllura si vendbanim zgjedhor. /skyweb.a.l
