Kanë nisur sot regjistrimet online në e-Albania për klasat e para dhe të dhjeta. Me anë të një njoftimi në rrjetet sociale, ministrja e Arsimit Mirela Kumbaro bën të ditur se afati i fundit për regjistrim është data 31 korrik.
“Regjistrimet online për klasat e para dhe të dhjeta hapen sot më 6 korrik në #eAlbania dhe sistemi do të jetë i hapur deri më 31 korrik, për t’i dhënë mundësi të gjithë prindërve të regjistrojnë fëmijët e tyre brenda këtyre afateve”, thuhet në postim. /skyweb.al
