Dollari amerikan e ka nisur këtë të martë me luhatje të lehta në tregun valutor vendas, duke shënuar ndryshime krahasuar me një ditë më parë. Sipas kursit të këmbimit, ai blihet me 81.3 lekë dhe shitet me 82.3 lekë.
Edhe euro vijon të mbetet në nivele të ulëta përballë lekut, pa ndryshime të ndjeshme nga dita e hënë. Këtë mëngjes, monedha europiane blihet me 93.1 lekë dhe shitet me 93.9 lekë.
Franga zvicerane ka regjistruar një rënie të lehtë të vlerës në raport me ditën e kaluar. Në tregun e brendshëm valutor, ajo blihet me 100.4 lekë dhe shitet me 101.6 lekë.
Ndërkohë, paundi britanik ka shfaqur një ecuri pozitive, duke fituar lehtë terren ndaj lekut. Sipas kursit të këmbimit, ai blihet me 109.2 lekë dhe shitet me 110.5 lekë, duke shënuar një rritje të lehtë krahasuar me të hënën. /skyweb.al
