Përdorues të Facebook, Instagram dhe Messenger kanë raportuar probleme me funksionimin e këtyre platformave pasditen e së mërkurës, 22 korrik.
Sipas raportimeve, një pjesë e përdoruesve nuk kanë mundur të hyjnë në llogaritë e tyre, ndërsa të tjerë janë përballur me vështirësi në dërgimin dhe marrjen e mesazheve përmes Messenger.
Të dhënat e publikuara nga platforma DownDetector tregojnë se janë regjistruar qindra ankesa për ndërprerje dhe keqfunksionime të shërbimeve të Meta-s në vende të ndryshme të botës, përfshirë edhe Greqinë.
Deri më tani, Meta nuk ka dhënë një reagim zyrtar lidhur me shkakun e problemit apo afatin e rikthimit të plotë të shërbimeve. Ndërkohë, përdoruesit vijojnë të raportojnë ndërprerje të pjesshme dhe vështirësi në përdorimin e disa prej funksioneve kryesore të platformave.
