Dollari amerikan e ka nisur negativisht këtë javë, duke shënuar një rënie të ndjeshme në raport me javën e kaluar. Sipas kursit të këmbimit në tregun e brendshëm valutor, dollari është blerë këtë mëngjes me 79.5 lekë dhe është shitur me 80.7 lekë.
Në të kundërt, monedha europiane ka regjistruar një rritje të lehtë në nisje të javës, duke u forcuar krahasuar me ditët e mëparshme. Euro është blerë me 92.4 lekë dhe është shitur me 93.3 lekë.
Edhe franga zvicerane e ka nisur javën në rritje, duke u blerë këtë të hënë me 98.2 lekë dhe duke u shitur me 99.5 lekë.
Ndërkohë, paundi britanik ka vijuar të forcohet në raport me javën e kaluar. Sipas kursit të këmbimit në tregun vendas, paundi është blerë këtë mëngjes me 107.6 lekë dhe është shitur me 109 lekë. /skyweb.al
