Këshilli Kombëtar i Territorit dhe Ujit, me vendim të datës 28 gusht 2025, i firmosur nga kryeministri Edi Rama dhe 9 ministra, ka miratuar procedura të reja për dhënien e lejeve të ndërtimit në tokat e regjistruara si ullishte dhe pemëtore përgjatë bregdetit nga Vlora në Sarandë.
Sipas vendimit, nëse në terren nuk gjenden më pemë, zhvilluesit mund të paraqesin një raport topografik dhe një akt nga agronomi që vërteton gjendjen, si dhe një deklaratë noteriale për përgjegjësinë civile e penale. Për sipërfaqe më të vogla se 0.1 ha verifikimi bëhet nga agronomi i bashkisë, ndërsa për më të mëdha nga dy ekspertë të ministrisë dhe bashkisë.
Ky vendim, ka sjellë reagime, pasi rrezikon të hapë rrugën për shkatërrimin e hapësirave bujqësore dhe ndërtimin e resorteve në zona të gjelbra e me vlerë ekologjike në jug të vendit. /Skyweb.al
