Kompania PLAY Airlines ka pezulluar sot të gjitha fluturimet, duke shënuar fundin e aktivitetit pas muajsh të tërë me vështirësi financiare.

Kompania islandeze me kosto të ulët, e themeluar në vitin 2019 si pasuese e WOW Air, tentoi të mbijetonte me një ristrukturim në vitin 2024.

U shkurtuan linjat drejt Shteteve të Bashkuara, u fokusua tek tregu europian dhe selia u zhvendos në Maltë. Megjithatë, këto ndryshime nuk mjaftuan për të mbajtur avionët në ajër.

Mijëra pasagjerë ndodhen aktualisht të bllokuar në aeroporte të ndryshme të Europës, pasi kompania konfirmoi se nuk do të kryhen më fluturime.

Stafi u njoftua gjatë natës për ndërprerjen e menjëhershme të operimeve.

Ky është tashmë kolapsi i dytë i madh i një linje ajrore islandeze me kosto të ulët brenda gjashtë viteve, pas mbylljes së papritur të WOW Air në vitin 2019. /skyweb.al