Qeveria amerikane ka sekuestruar mbi 14 miliardë dollarë në Bitcoin. Kjo është një nga gotitjet më të mëdha financiare, ndërsa ka ngritur akuzë ndaj Chen Zhi, shtetas britaniko-kamboxhian dhe themelues i Prince Group, për drejtimin e një skeme të madhe mashtrimi me kriptovaluta, që përfshinte edhe kampe pune të detyruar.
Akuzat u bënë publike në Neë York, ku Chen u akuzua për konspiracion për mashtrim me anë të internetit (ëire fraud) dhe pastrim parash, ndërsa ai ende ndodhet në arrati.
Sipas Departamentit Amerikan të Drejtësisë (DOJ), janë sekuestruar rreth 127,271 Bitcoin, në atë që autoritetet e cilësuan si sekuestroja më e madhe e Bitcoin në histori dhe një ndër operacionet më të mëdha financiare të drejtësisë amerikane.
Në një operacion të përbashkët me SHBA-në, qeveria britanike ka vendosur sanksione ndaj bizneseve të Chen Zhi dhe ka ngrirë pasuritë e rrjetit të tij, përfshirë 19 prona në Londër, ku njëra prej tyre vlerësohet me rreth 100 milionë £.
Sipas DOJ, Prince Group, që operon në Kamboxhia dhe është e paraqitur si kompani që merret me zhvillim pronash dhe shërbime financiare, në fakt drejtonte një prej organizatave kriminale më të mëdha transnacionale në Azi.
Prokurorët deklarojnë se viktimat rekrutoheshin përmes internetit dhe bindeshin të investonin në kriptovaluta, me premtime të rreme për fitime të larta. Në realitet, fondet përfundonin në skema mashtrimi të menaxhuara nga grupi i Chen Zhi. /Skyweb.al
