Instagram ka forcuar më tej masat për mbrojtjen e të miturve duke përditësuar cilësimet e llogarive “Teen Accounts”, për t’i përafruar me standardet e filmave PG-13. Platforma, në pronësi të Metës, do të kufizojë përmbajtjet me gjuhë të ashpër, që nxisin sjellje të rrezikshme apo përmbajnë mjete për përdorimin e marijuanës.
Të miturit nuk do të mund të ndjekin llogari që shpërndajnë përmbajtje të papërshtatshme për moshën e tyre dhe do t’u bllokohen kërkime si “alkool” apo “gjak”. Gjithashtu, edhe chatbot-i i Meta-s do të shmangë përgjigje të papërshtatshme për moshat nën 13 vjeç.
Kjo lëvizje vjen pas kritikave dhe raportimeve të fundit që vënë në dyshim efektivitetin e masave ekzistuese. Një studim i publikuar këtë muaj tregoi se 60% e adoleshentëve kishin parë përmbajtje të pasigurta ose kishin marrë mesazhe të padëshiruara, pavarësisht kufizimeve të reja. Meta i ka kundërshtuar gjetjet, duke i quajtur të njëanshme. /Skyweb.al
