Shqiptarët gjithnjë dhe më shumë po preferojnë makinat elektrike. Të dhënat më të fundit të Drejtorisë së Përgjithshme të Shërbimeve të Transportit Rrugor tregojnë se nga janari deri në shtator të këtij viti janë regjistruar 3,901 mjete, tërsëisht elektrike, rreth 80% krahasuar me të njëjtën periudhë të një viti më parë.
Automjetet elektrike përbëjnë 39.9% të totalit të mjeteve me 0 km nga janari në shkurt të këtij viti. Shifrat e DPSHTRR tregojnë se numri i mjeteve pa karburant ka ardhur në rritje, të paktën tre vitet e fundit.
Shifrat ndër vite:
2024 – 28.2%
2023 – 25%
2022 – 7.2%
Ekspertët vlerësojnë se ky trend rritës i mjeteve elektrike sjell ndikim pozitiv në reduktimin e ndotjes, duke forcuar angazhimin për një transport më të pastër dhe një mjedis më të shëndetshëm.
Nga ana tjetër, arsyet ekonomike janë ato që i shtyjnë më së tepërmi shqiptarët drejt mjeteve elektrike, për shkak të çmimit të lartë të karburantit në vendin tonë.
/Skyweb.al
