Operatori i Blerjeve të Përqendruara (OBP) ka hapur një nga tenderët më të mëdhenj publikë të muajve të fundit, me një fond limit total prej afro 1.4 miliardë lekësh (14 milion euro) pa TVSH që synon furnizimin me uniforma dhe këpucë të Policisë së Burgjeve për një periudhë 4-vjeçare.
Autoriteti kontraktues kërkon oferta për një marrëveshje kuadër, e cila ndahet në dy lote, por pjesën e luanit e ka pikërisht Loti I, për uniformat dhe gradat për Policinë e Burgjeve.
Ky është tenderi i radhës i madh për uniforma, ndërsa më herët u shpall edhe tenderi tjetër për uniformat e Policisë së Shtetit, prej 28 milion eurosh.
Më herët, Operatori i Blerjeve të Përqëndruara shpalli një tjetër tender me vlerë rreth 6.6 milion euro për pajisje, për të cilin raportoi Skyweb.al. /skyweb.al
