Kreu i partisë “Mundësia”, Agron Shehaj ka reaguar në lidhje me koston e fushatës së tij në rrjetet sociale, e cila sipas gjetjeve të Skyweb.al, ka kushtuar rreth 26 mijë dollar gjatë tre muajve të fundit.
I pyetur nga autori i emisionit Log. në News 24, gazetari Endri Xhafo, Shehaj e cilësoi shifën si thërrime krahasuar me harxhimet që bëjnë dy forcat e mëdha PS dhe PD gjatë fushatave.
Madje, sipas tij, një shumë e tillë harxhohen nga këto parti vetëm gjatë një ditë për karburant.
“Kjo është mënyra më transparente e shpenzimit të parave, sepse META nuk të lë të fshehesh. Ne I shohim rrjetet sociale si një mënyrë të lirë për të folur me qytetarët. Të investosh, sigurisht që të ndihmon të flasësh me më shumë qytetarë. Ajo që duhet t’u bëjë përshtypje qytetarëve është se sa harxhojnë partitë e tjera. Këto janë thërrime krahasuar me partitë e mëdha”, tha Shehaj duke shtuar se me shumë mundësi PS dhe PD harxhojnë 26 mijë dollar, vetëm për naftë në një ditë.
Shiheni KËTU nga minuta 38:15
Pjesë nga biseda në studio:
Endri Xhafo: Një kolegu im, gazetar ekonomie, Emirjon Senja, ka publikuar disa shifra në portalin e tij Skyweb.al, sipas të cilave Agron Shehaj ka shpenzuar rreth 26 mijë dollar gjatë 90 ditëve të fundit për reklamë në facebook dhe Instagram sipas të statistikave të META-s. Kyre nga marshi 2021 në prill 2025 paskeni harxhuar 66 mijë dollar.
Agron shehaj: Po bashkon dy zgjedhje bashkë…
Endri Xhafo: Sipas këtyre të dhënave, harxhoni mesatarisht 400-500 dollarë në ditë gjatë javës së fundit. Të mbesim te shifrat, ju kaq po harxhoni, i konfirmoni këto shifra?
Agron Shehaj: Nëse i ka nxjerrë META, absolutisht po. Nuk kam pyetur javën e fundit por e dija që kemi harxhuar një shumë të përafërt. Po pse është kaq çudi e madhe të harxhosh në mënyrë kaq transparente të bërë në mënyrë të ndershme.
Endri Xhafo: Unë nuk u habita për paratë
Agron Shehaj: Të harxhosh 26 mijë dollar në një fushatë, në mënyrë transparente që janë para të bëra në mënyrë të ndershme… Nuk do çuditësha për 26 mijë euro në një fushatë. Jemi një parti politike dhe kjo vlerë mundtë duket shumë, por në raport me sa kushtpjnë fushatat dhe sa harxhojnë partitë e tjera…! Kjo është mënyra më transparente e shpenzimit të parave, sepse META nuk të lë të fshehesh. Ne I shohim rrjetet sociale si një mënyrë të lirë për të folur me qytetarët. Të investosh, sigurisht që të ndihmon të flasësh me më shumë qytetarë. Ajo që duhet t’u bëjë përshtypje qytetarëve është se sa harxhojnë partitë e tjera. Këto janë thërrime krahasuar me ta.
Shkrimi i plotë i SkyWEB.al:
