Gjykata e Apelit në Quebec ka urdhëruar kompaninë ajrore Air Canada të paguajë mbi 10 milionë dollarë dëmshpërblim, pasi e shpalli fajtore për reklama mashtruese në lidhje me çmimet e biletave.
Padia kolektive, e cila është ndjekur për më shumë se 15 vjet, akuzonte Air Canada për mosinformimin e duhur të pasagjerëve mbi tarifat shtesë si ato të karburantit në çmimet e reklamuar për periudhën 2010–2012. Gjykata vendosi se kompania kishte vënë interesat e veta tregtare mbi mbrojtjen e konsumatorëve, duke e cilësuar sjelljen si “të pakujdesshme dhe thellësisht të gabuar”.
Paditësit argumentuan se praktikat e çmimeve i bënin të vështira zgjedhjet e informuara për pasagjerët. Edhe pse Air Canada pretendoi se çështja kishte të bënte me konflikt mes legjislacionit federal dhe atij provincial, gjykata vendosi se kompania kishte shkelur Ligjin për Mbrojtjen e Konsumatorit në Quebec.
Çdo klient i prekur do të përfitojë 14.45 dollarë për çdo biletë të blerë gjatë periudhës në fjalë. Air Canada nuk ka konfirmuar ende nëse do të apelojë vendimin./skyweb.al
