Presidenti i Republikës, Bajram Begaj, ka uruar këtë të shtunë besimtarët e krishterë në të gjithë vendin me rastin e Festës së Fjetjes së Hyjlindëses Mari.
Përmes një mesazhi të publikuar në rrjetet sociale, kreu i shtetit përcolli urimet e tij për të gjithë besimtarët që kremtojnë këtë festë.
“Uroj të gjithë besimtarët e krishterë në mbarë vendin: Gëzuar Festën e Fjetjes së Hyjlindëses MARI!”, shkruan Presidenti Begaj.
Festa e Fjetjes së Hyjlindëses Mari, e kremtuar më 15 gusht, është një nga festat më të rëndësishme të kalendarit të krishterë dhe shënohet çdo vit nga besimtarët me shërbesa dhe ceremoni fetare.
