Të dhënat paraprake të INSTAT për muajin tetor 2025 tregojnë se dinamika e aksidenteve rrugore ndryshon ndjeshëm sipas ditëve të javës.
Nga 116 aksidentet e regjistruara gjatë muajit, dita më problematike rezulton e premtja, e cila përqendron 19,8 për qind të ngjarjeve, duke e bërë atë ditën më të rrezikshme për drejtuesit e mjeteve dhe këmbësorët.
Në krahun tjetër, e marta shfaqet si dita më e sigurt, me vetëm 8,6 për qind të aksidenteve të muajit.
Diferenca mes dy ditëve tregon një rritje të qartë të ngarkesës dhe riskut drejt fundjavës, periudhë kur rritet lëvizja në qarkullim dhe intensifikohet trafiku urban dhe interurban.
Në total, tetori regjistroi 164 persona të aksidentuar dhe 116 ngjarje rrugore, ndërsa pjesa më e madhe e tyre kanë ndodhur si pasojë e sjelljes së drejtuesve të mjeteve.
INSTAT thekson se shifrat janë paraprake dhe mund të përditësohen në raportimet e ardhshme. /skyweb.al
