Shkencëtarët kinezë zhvillojnë terapi inovative duke arritur një sukses mbi 90% në trajtimin e kancerit
Në një hap të rendësishëm drejt kurimit të kancerit, studiuesit në Kinë kanë krijuar një terapi që “mashtron” sistemin imunitar për të sulmuar tumorët duke i kamufluar ato si inde derri.
Kjo strategji, e quajtur “tumor-to-pork”, përdor një virus të modifikuar të sëmundjes NDV, i cili është i padëmshëm për njerëzit dhe është inxhinieruar me gjene derri.
Kur injektohet në trup, virusi i modifikuar nxit një përgjigje të fuqishme imunitare, duke imituar reagimin që ndodh gjatë refuzimit të një transplanti organi.
Në fazat e hershme të provave klinike, terapia ka treguar një shkallë suksesi mbi 90%, me pacientët që kanë përjetuar reduktim dramatik të tumorëve ose remitencë, duke ofruar shpresë të re kundër disa prej llojeve më agresive dhe rezistente të kancerit.
Studimi, i udhëhequr nga Profesori Zhao Yongxiang në Universitetin Mjekësor Guangxi, përfshiu 23 pacientë me kancer në fazë të avancuar, duke përfshirë kancerin e qafës së mitrës, mëlçisë, vezoreve dhe mushkërive. Infuzionet javore të virusit të inxhinieruar sollën rezultate të jashtëzakonshme—nga ndalimi i rritjes së tumorëve deri te largimi i plotë, me efekte anësore minimale.
Ndërsa kjo terapi është ende në fazat e hershme klinike, ajo mund të rishkruajë mënyrën se si trajtohet kanceri, duke përdorur mbrojtjen natyrore të trupit për të luftuar qelizat e sëmura.
Me fillimin e fazave të dyta dhe të treta të provave klinike, studiuesit mbeten të kujdesshëm, por optimistë, duke e konsideruar këtë si një hap të madh përpara në luftën e gjatë kundër kancerit./skyweb.al
BURIMI: https://www.cell.com/cell/pdf/S0092-8674(24)01423-5.pdf?fbclid=IwZXh0bgNhZW0CMTEAAR7ET-nwv_VBUJVTYgR8s6jMUY5qgjyqgJ4mXARTilXh-cBic-LMTiElXM14vg_aem_XsVEJavQLYNhWEsWeP0t-w
