Një sherr i dhunshëm ka shpërthyer mes dy grupeve në rezidencën luksoze “Long Hill” në zonën e Lundrës, pranë Tiranës. Ngjarja ka ndodhur mbrëmjen e sotme dhe është karakterizuar nga dhunë fizike, ku palët janë përleshur me karrige dhe sende të forta.
Burime për Skyweb.al bëjnë me dije se fillimisht është raportuar për të shtëna me armë zjarri, por pas verifikimeve të kryera nga policia, nuk janë konstatuar gëzhoja apo prova që të vërtetojnë një përdorim të tillë.
Si pasojë e konfliktit, ka persona të plagosur, por ende nuk dihet numri i saktë i tyre. Forcat e rendit ndodhen në vendngjarje dhe po punojnë për të identifikuar të përfshirët dhe për të zbardhur rrethanat e sherrit./skyweb.al
