Turqia po përballet me një valë frike në sektorin e turizmit, pas një rritjeje alarmante prej 250% të anulimeve të udhëtimeve nga turistët indianë.
Shkak është bërë një krizë diplomatike mes Ankarasë dhe Nju Delhit, pas mbështetjes së deklaruar të Turqisë për Pakistanin në përballjen e fundit ushtarake me Indinë.
Vitin e kaluar, turistët indianë kontribuuan me mbi 400 milionë dollarë në ekonominë turke. Por pas përshkallëzimit të tensioneve mes Indisë dhe Pakistanit,që kulmuan me sulme ajrore nga pala indiane dhe reagime të forta ndërkombëtare , Turqia reagoi në mbështetje të Pakistanit, duke paralajmëruar për rrezikun e një “lufte të përgjithshme” dhe duke kërkuar një “paqë të drejtë dhe të qëndrueshme në Kashmir përmes dialogut”.
Kjo deklaratë ka shkaktuar zemërim në Indi.
Autoritetet indiane kanë nisur të vendosin pengesa për kompanitë turke, përfshirë ndalimin e operimit të kompanisë Celebi në aeroportet e vendit.
Pas goditjeve ndaj biznesit, ndikimi ka shkuar edhe te pushimet. Platformat e rezervimeve si EaseMyTrip dhe MakeMyTrip kanë raportuar një rritje drastike të anulimeve nga qytetarët indianë që kishin planifikuar pushime në Turqi. /skyweb.al
