Monedha amerikane ka pësuar një rënie të ndjeshme në tregun valutor vendas, duke e nisur javën me zhvlerësim. Sipas kursit të këmbimit të mëngjesit të së hënës, dollari është blerë me 84.8 lekë dhe është shitur me 86.1 lekë, një rënie e ndjeshme krahasuar me javën e kaluar.
Ndërkohë, euro ka ruajtur stabilitetin, duke u blerë me 97.2 lekë dhe duke u shitur me 98.2 lekë, pa luhatje të ndjeshme në vlerë.
Franga zvicerane ka shënuar gjithashtu një zbritje në kurs, duke u blerë me 103.2 lekë dhe duke u shitur me 105 lekë, sipas të dhënave nga tregu i brendshëm valutor.
Në kah të kundërt, paundi britanik ka shënuar një rritje të lehtë, duke e nisur javën në ngjitje. Ai është blerë me 115 lekë dhe është shitur me 116.2 lekë.
Luhatjet e valutave reflektojnë ndikimin e faktorëve ndërkombëtarë dhe pritshmëritë për zhvillimet ekonomike në tregjet kryesore./skyweb.al
