FOTO/ “Apokalipsi” në Gramsh, imazhe të dramës që la pas zjarri që përpiu gjithçka

Ministria e Mbrojtjes ka bërë një thirrje urgjente për evakuimin e banorëve në Nartë të Gramshit dhe në Delvinë, pasi situata me zjarret në këto zona është përkeqësuar ndjeshëm.

Sipas njoftimit zyrtar, flakët po përhapen me shpejtësi të madhe, duke rrezikuar jetën dhe pronën e qytetarëve.

“THIRRJE URGJENTE PËR EVAKUIM. Për shkak të përhapjes së shpejtë të zjarreve në Nartë, Skënderbegas (Gramsh) dhe Delvinë, u bëjmë thirrje banorëve të ndjekin udhëzimet e ekipeve të emergjencës dhe të evakuohen menjëherë drejt zonave të sigurta”, – thuhet në komunikatën e Ministrisë.

Skyweb.al sjell gjithashtu disa foto të publikuara nga fotografi Eduart Pagria në Instagram, të cilat japin një panoramë tronditëse të dëshpërimit dhe luftës së banorëve me flakët.

Pamjet tregojnë shtëpi të rrezikuara, njerëz që largohen me nxitim dhe ekipe emergjence që përpiqen të vendosin nën kontroll vatrat e zjarrit.

Autoritetet u bëjnë apel të gjithë banorëve të ndjekin me kujdes udhëzimet dhe të mos e neglizhojnë rrezikun, ndërsa situata vijon të jetë kritike.

SHIHNI ME SHUMË