Apple ka prezantuar modelet më të reja të orëve inteligjente, Apple Ëatch Series 11 dhe Apple Watch Ultra 3, të cilat sjellin përmirësime të dukshme në jetëgjatësinë e baterisë dhe funksionet e shëndetit.
Sipas një artikulli të Wall Street Journal, Series 11 zgjat deri në 24 orë me një karikim, një rritje e ndjeshme krahasuar me modelet e mëparshme, ndërsa Ultra 3 ruan qëndrueshmërinë dhe rezistencën e lartë, duke shtuar edhe lidhjen satelitore për raste emergjente.
Ora e re vjen me një sistem të përmirësuar analizimi të gjumit, të quajtur Sleep Score, që vlerëson cilësinë e gjumit përtej kohës së fjetur. Një tjetër risi është paralajmërimi për hipertension, që mund të ndihmojë përdoruesit të kuptojnë kur ka sinjale për rritje të tensionit të gjakut. Këto veçori kërkojnë modele të reja, por shumë prej tyre do të jenë të disponueshme edhe për përdoruesit që përditësojnë në watchOS 26.
Apple ka rikthyer edhe funksionin për matjen e oksigjenit në gjak për Series 9 dhe Ultra 2, pas një pezullimi të përkohshëm për arsye ligjore. Çmimet fillojnë nga 249 dollarë për Apple Watch SE, 399 dollarë për Series 11 dhe 799 dollarë për Ultra 3. /Skyweb.al
