SPAK ka zbërthyer një nga grupet që dyshohet se ka kryer abuzime të rënda me fondet publike, konkretisht një skemë që mbante nën kontroll Agjencinë Kombëtare të Shoqërisë së Informacionit, duke orientuar tenderët drejt dy ose tre kompanive të caktuara, të cilat rezultojnë të kenë qenë nën ndikimin e këtij grupi.
Sipas të dhënave paraprake, bëhet fjalë për abuzime që kapin vlera qindra milionë euro.
Ndërkohë që ky skandal shpërtheu, gjatë gjithë ditës së djeshme vëmendja e opozitës u përqendrua te Endri Shabani dhe te hetimi ndaj Belinda Ballukut.
Kjo e fundit është një çështje e futur tashmë në rrugë ligjore, ku SPAK po kryen veprimet proceduriale sipas parashikimeve ligjore, ndërsa rasti i AKSHI-t konsiderohet një nga skandalet më të mëdha në vend.
Mungesa e koherencës së opozitës reflektohet edhe në qëndrimet e liderit të saj, në një kohë kur zëra si ai i Salianjit janë zbehur.
Paraditen e djeshme, Berisha deklaroi se Belinda Balluku ishte arratisur për t’u shmangur SPAK-ut, ndërsa vetëm pak orë më pas, gjatë mbrëmjes, publikoi një video në rrjetet sociale ku pohonte se ajo dhe kryeministri Rama qëndronin në zyrë deri në orët e vona të natës për të prishur prova.
Kush ndjek zhvillimet nga kampi opozitar, qoftë gazetar apo qytetar, do të ngrinte një pyetje të drejtë:
Sipas Berishës, Belinda Balluku ka ikur apo ndodhet këtu dhe po prish prova. Pse një mungesë kaq e theksuar koherence brenda pak orës? /skyweb.al
