Agjencia e Mbikëqyrjes Policore (AMP), nën drejtimin e Drejtorit të Përgjithshëm, Klevis Qose, vijon angazhimin në nismat e Bashkimit Evropian për forcimin e kapaciteteve të institucioneve ligjzbatuese dhe rritjen e efektivitetit në luftën kundër kriminalitetit.
Në kuadër të projektit “Bashkimi Evropian për Zbatimin e Ligjit në Shqipëri” (EU4LawEnforcement in Albania), u zhvillua takimi i radhës, ku në fokus ishte forcimi i kapaciteteve kombëtare në luftën kundër krimit të organizuar dhe krimeve të rënda.
AMP mbetet një partnere aktive në këtë nismë, duke kontribuar në forcimin e kapaciteteve institucionale, shkëmbimin e eksperiencave dhe zbatimin e praktikave më të mira evropiane.
Bashkëpunimi synon të rrisë koordinimin ndërmjet institucioneve ligjzbatuese, të përmirësojë mekanizmat e parandalimit dhe të forcojë efektivitetin në luftën kundër kriminalitetit.
Nën drejtimin e Klevis Qoses, AMP vijon angazhimin në bashkëpunimin me partnerët ndërkombëtarë, në funksion të forcimit të standardeve institucionale, përgjegjshmërisë dhe zbatimit të ligjit në Shqipëri.
Në këtë nismë janë të përfshira Ministria e Brendshme, Policia e Shtetit dhe Agjencia e Mbikëqyrjes Policore, në bashkëpunim me partnerët e Bashkimit Evropian.
