Prej 15 vitesh, JUMBO është pjesë e përditshmërisë së familjeve shqiptare, duke i shoqëruar në momente të ndryshme të jetës, nga përgatitjet për pushime apo për shkollë e deri tek festat, dhuratat dhe kujtimet e krijuara së bashku.
Që nga hapja e dyqanit të parë në vitin 2011, JUMBO ka ndërtuar një marrëdhënie të qëndrueshme me klientët, duke sjellë një botë plot ngjyra, shumëllojshmëri dhe mundësi zgjedhjeje për të gjitha moshat.
Ky rrugëtim nisi në TEG si pjesë e BALFIN Group, një prej grupeve më të mëdha të investimeve në rajon. Gjatë viteve, partneriteti mes BALFIN Group është zgjeruar përtej Shqipërisë, duke krijuar një rrjet të gjerë dyqanesh në rajon dhe duke u shtrirë sot drejt 11 tregjeve ndërkombëtare.
Sot, kompania numëron 10 dyqane në Shqipëri, mbi 300 punonjës dhe më shumë se 30,000 produkte, duke ofruar zgjidhje për dekorimin e shtëpisë, për verën, shkollën, festat dhe nevojat e përditshme.
Në qendër të këtij rrugëtimi kanë qenë gjithmonë klientët. Besimi dhe preferenca e tyre kanë qenë motivimi kryesor për t’u zhvilluar vazhdimisht, për të zgjeruar gamën e produkteve dhe për të investuar në përmirësimin e eksperiencës së blerjeve.
Pas kësaj historie qëndrojnë edhe punonjësit e JUMBO, që me përkushtimin e tyre të përditshëm kanë kontribuar në ndërtimin e marrëdhënies me klientët dhe zhvillimin e kompanisë. Investimi në trajnimin dhe rritjen profesionale të tyre vijon të jetë një pjesë e rëndësishme e strategjisë së JUMBO.
Për të festuar 15-vjetorin së bashku me klientët, JUMBO TEG ka organizuar dy ditë plot lojëra, argëtim dhe momente festive për të gjithë familjen. Aktivitetet do të zhvillohen më 14 Nëntor, ora 10:00–12:00 dhe më 15 Nëntor, ora 10:00–12:00 dhe 18:00–20:00.
15-vjetori është një moment falenderimi për mijëra familje shqiptare që kanë zgjedhur JUMBO-n ndër vite.
Sepse pas çdo blerjeje qëndron një nevojë, një dëshirë, një surprizë apo një moment i veçantë dhe JUMBO synon të vazhdojë të jetë pjesë e këtyre momenteve edhe në vitet që vijnë. /skyweb.al
