Jacob Shaul, 17 vjeç, një nxënës gjimnazi nga Bay Area, SHBA, ka krijuar një organizatë jofitimprurëse të quajtur Mode to Code, që ofron kurse falas për programim dhe teknologji nëpër shkolla, organizata dhe qendra për të moshuarit në mbarë botën.
Ajo që filloi si një “provë” në shkollën e tij të mesme është kthyer në një organizatë me 16 vullnetarë që japin mësim në mbi 30 institucione, përfshirë edhe shtatë qendra për të moshuarit në San Francisko. Falë nxitjes së nënës së tij, që nga marsi 2025, Shaul ka nisur të ofrojë kurse për të moshuarit rreth temave si përdorimi i email-it, teknologjia bazë dhe AI, raporton CNN.
Sipas Shaul, të moshuarit janë kuriozë dhe të hapur për të mësuar dhe shpesh dinë më shumë nga sa pritej. Ai dhe miqtë e tij, të gjithë adoleshentë, udhëtojnë me autobus për të dhënë mësim, me qëllimin për të fuqizuar njerëzit përmes teknologjisë.
“Thjesht më pëlqen të mësoj të tjerët për teknologjinë,” thotë Shaul. “Dua që të gjithë ta përdorin fuqinë që ofron ajo.” /Skyweb.al
