Pas një periudhe të vështirë për shkak të krizave të sigurisë dhe problemeve të prodhimit, Boeing ka filluar zhvillimin e një avioni tërësisht të ri, i cili do të zëvendësojë modelin aktual 737 MAX, avionin më të shitur në historinë e kompanisë.
Projekti është ende në fazë të hershme, por qëllimi është të prezantohet një avion me një korridor të vetëm (narroë-body), që do të konkurrojë drejtpërdrejt me Airbus A320neo, i cili ka dominuar tregun vitet e fundit.
Sipas asaj që shkuarv Wall Street Journal, Boeing po bashkëpunon me Rolls-Royce për zhvillimin e motorëve të rinj që do të ofrojnë eficiencë më të lartë të karburantit dhe emetime më të ulëta të karbonit.
Po shqyrtohen gjithashtu dizajne të reja aerodinamike, përfshirë krahë më të avancuar dhe përmirësime në strukturën e trupit.
Ndërkohë, ka plane për një kabinë pilotësh më të digjitalizuar dhe me më pak kompleksitet, duke synuar të reduktohet nevoja për trajnime të gjata dhe të shtrenjta.
737 MAX ka qenë një model shumë problematik për Boeing, veçanërisht pas dy aksidenteve tragjike në 2018 dhe 2019 që çuan në ndalimin e përkohshëm global të këtij tipi avioni. Kjo ndikoi rëndë në reputacionin e kompanisë.
Airbus ka fituar pjesën më të madhe të tregut të fluturimeve me distancë të shkurtër dhe të mesme, ku 737 MAX konkurronte, duke bërë që Boeing të jetë nën presion për të sjellë diçka të re.
Zhvillimi i një modeli të ri është një lëvizje strategjike për të rimarrë besimin e klientëve dhe për të qenë konkurrues në dekadat e ardhshme.
Nuk ka ende një datë zyrtare, por raportimet tregojnë se Boeing po synon prezantimin rreth mesit të viteve 2030, pas testimeve dhe certifikimeve të nevojshme. /Skyweb.al
