Një diamant gjysmë rozë e gjysmë i tejdukshëm, është zbuluar në minierën Karoëe në Botsvanëtë Afrikës së Jugut, duke tërhequr vëmendjen e botës së bizhuterive. Guri i çmuar ka peshë 37.41 karatë (rreth 7.5 gramë) dhe një gjatësi prej rreth 2.5 centimetra, me një ndarje të dukshme mes pjesës rozë dhe asaj të tejdukshme.
Ekspertët e konsiderojnë këtë diamant si një nga zbulimet më të rëndësishme ndonjëherë, për shkak të formimit të tij unik. “Ky diamant ka potencialin të bëhet një prej më të rëndësishmëve në histori,” tha Oded Mansori, bashkëthemelues i kompanisë belge HB Antëerp, që po merret me përpunimin e tij.
Diamanti u formua mbi tre miliardë vite më parë, nën presion dhe temperatura ekstreme. Ndryshe nga diamantet e tjera me ngjyra, nuanca rozë nuk vjen nga papastërtitë, por nga deformime strukturore të shkaktuara gjatë proceseve gjeologjike.
Megjithëse diamantë të ngjashëm janë zbuluar më parë, asnjë nuk ka arritur këtë madhësi; shumica nuk kalojnë dy karatë. Miniera Karoëe është e njohur për gjetjet e saj spektakolare, përfshirë Seëelô (1,758 karatë), Sethunya (549 karatë) dhe Motswedi (2,488 karatë). Vlera e diamantit të ri ende nuk është përcaktuar, por pritet të arrijë miliona dollarë pas përpunimit nga HB Antwerp. /Skyweb.al
