Kjo është dita e katërt e protestave pas dhunës së ushtruar nga një punonjës i sigurisë private ndaj protestuesve në Zvërnec. Por ajo që nisi nga ato pamje tashmë ka dalë përtej.
Në shesh po dalin të rinj e të reja, prindër me fëmijët e tyre dhe qytetarë që nuk protestojnë vetëm për një zonë të mbrojtur dhe vetëm për Flamingot.
Ata po protestojnë kundër kryeministrit Edi Rama, kundër Sali Berishës dhe kundër një klase politike të kalbur, që për vite ka prodhuar arrogancë, korrupsion dhe vendimmarrje arbitrare.
Në retorikën e protestuesve, fokusi është zhvendosur drejt problemeve më të mëdha, për të cilat shoqëria shqiptare ka qenë gjatë apatike dhe shpesh e paaftë të reagojë.
Kjo është një protestë kundër mënyrës si është ushtruar pushteti nga Rama dhe kundër klasës politike që ka shkatërruar besimin se gjërat mund bëhen mbarë në këtë vend.
Grushti në fyt ishte pika që derdhi gotën. /skyweb.al
