Një fluturim i kompanisë amerikane JetBlue nga Kankuni drejt Nju Xhersit ka pësuar një ulje emergjente në Tampani të Floridës pasi humbi papritur lartësinë.
Sipas autoriteteve lokale, të paktën 15 pasagjerë janë dërguar në spital për trajtim mjekësor. Avioni, një Airbus A320, humbi në mënyrë të papritur lartësinë për arsye ende të paqarta Administrata Federale e Aviacionit në SHBA ka hapur një hetim zyrtar për të zbuluar shkaqet që çuan në këtë problem në sistemin e kontrollit të fluturimit.
Përkundër humbjes së shpejtë të lartësisë, avioni u ul me sukses dhe menjëherë pas mbërritjes u aktivizuan operacionet e shpëtimit.
Burime lokale thonë se disa nga të plagosurit kishin goditje dhe kontuzione për shkak të turbulencës së papritur. Aktualisht po zhvillohen kontrolle teknike mbi avionin për të identifikuar ndonjë defekt në sistemin e kontrollit të fluturimit. /Skyweb.al
