Incident ajror në Aeroportin Sabiha Gökçen në Stamboll, ku një avion i kompanisë AJet, Boeing 737 800, doli nga pista menjëherë pas uljes.
Autoritetet aeroportuale njoftuan se të gjithë pasagjerët dhe pjesëtarët e ekuipazhit janë të sigurt dhe nuk ka persona të lënduar.
Sipas informacionit paraprak, avioni doli jashtë pistës për shkak të një devijimi gjatë lëvizjes pas uljes, ndërsa ekipet e emergjencës ndërhynë menjëherë për të stabilizuar situatën.
Operacionet e aeroportit vijuan normalisht, ndërsa po kryhet verifikimi teknik i avionit dhe i pistës për të përcaktuar shkakun e incidentit. /skyweb.al
