Viti 2025 ka qenë një vit plot ngjarje, zhvillime kulturore, teknologjike dhe politike dhe kjo duket edhe në atë se çfarë kërkohej më shumë në Google gjatë vitit.
Gjiganti i kërkimit publikoi përmbledhjen “Year in Search 2025”, e cila nxjerr në pah temat që morën më shumë vëmendje në mbarë botën, duke reflektuar interesin e përdoruesve gjatë 12 muajve të fundit.
Në Shtetet e Bashkuara, lista e kërkimeve kryesohet nga emri i Charlie Kirk, për shkak të ngjarjes tragjike që tronditi publikun dhe çoi në një valë kërkimesh online. Pas tij, në pesëshen e parë renditen: filmi i suksesshëm i Netflix “KPop Demon Hunters”, lodra virale Labubu, modeli i ri i Apple iPhone 17, dhe ligji i njohur si “One Big Beautiful Bill Act” që hyri në fuqi në korrik.
Përtej këtyre, termat dhe emrat e tjera që shënuan kërkime të larta gjatë vitit përfshijnë nga zhvillime të rëndësishme politike, teknologjike e sportive, deri te figura të njohura të botës së kulturës dhe sportit. Këtu përfshihen emra si Zohran Mamdani, D4VD, Pedro Pascal apo ngjarje si mbyllja e qeverisë amerikane, Kupa e Botës për Klube FIFA dhe zjarret e mëdha në Los Angeles.
Viti 2025 u karakterizua gjithashtu nga interes i lartë për figura të ndjerë të cilët humbën jetën gjatë vitit, si dhe nga një seri termash të rinj që dolën nga kultura popullore e brezave më të rinj, si termat e zhargonit “Sigma”, “Skibidi” apo “6-7”. /skyweb.al
