Duke parë fotografitë e paraardhësve tanë, shpesh krijohet përshtypja se ata duken shumë më të vjetër nga sa kanë qenë në të vërtetë. Kjo na jep ndjesinë sikur koha ka kaluar më shpejt një shekull më parë. Sot e dimë se shenjat e theksuara të plakjes lidhen me një jetë shumë më të vështirë dhe më të ashpër se ajo që bëjmë ne sot.
Megjithatë, edhe pse sot kemi sisteme të avancuara të kujdesit shëndetësor, ilaçe moderne dhe strategji efektive për parandalimin e sëmundjeve, koha jo vetëm që nuk është ngadalësuar, por duket se po rrjedh më shpejt se kurrë.
Sipas disa studimeve, brezat e lindur në mesin e viteve 1960 po përjetojnë një plakje biologjike më të shpejtë krahasuar me brezat e mëparshëm. Sëmundje që zakonisht lidhen me moshën e thyer, si kanceri, infarkti i zemrës dhe diabeti, po shfaqen gjithnjë e më shpesh tek të rinjtë, madje edhe tek personat nën 40 vjeç.
Ndër shkaktarët kryesorë të kësaj “plakjeje të parakohshme” renditet vetë mjedisi ku jetojmë. Siç thekson revista New Scientist, ai mund të përshkruhet si “senezogjenik”, pasi nxit faktorë të tillë si mënyra e jetesës sedentare, stresi, ndotja, valët e të nxehtit dhe, mbi të gjitha, obeziteti – elemente që qëndrojnë në themel të procesit të plakjes. /skyweb.al
