Dardha është mbuluar nga petku i bardhë i dëborës, duke u shndërruar këtë janar në një nga atraksionet dimërore më të preferuara për vendasit dhe turistët e huaj.
Zona e Dardhës në Korçë ofron pamjen e një kartoline dimërore, ndërsa rruga që të çon drejt fshatit mbetet e hapur dhe qarkullimi i mjeteve zhvillohet normalisht.
Kryeministri Edi Rama ka ndarë se fundmi në rrjetet sociale pamje nga fshati turistik, duke e cilësuar atë si “Dardha magjike”.
Dardha është një nga destinacionet më të vizituara gjatë sezonit dimëror. Me sportet dimërore, bujtinat që ofrojnë shërbim cilësor dhe gatime tradicionale, ajrin e pastër dhe natyrën e qetë, Dardha mbetet një nga destinacionet më të veçanta të vendit, duke ofruar turizëm gjatë gjithë vitit.
