Presidenti i Republikës, Bajram Begaj, ka reaguar përmes një postimi në rrjetin social X lidhur me situatën e sigurisë në Lindjen e Mesme, duke shprehur qëndrimin e Shqipërisë në krah të aleatëve strategjikë.
Në mesazhin e tij, Kreu i Shtetit thekson se Shqipëria mbështet përpjekjet për eliminimin e çdo kërcënimi terrorist dhe përballjen me regjimin e ajatollahëve në Iran.
Ai nënvizon se vendi ynë shpreh mbështetje të plotë për Katarin, Emiratet e Bashkuara Arabe, Arabinë Saudite, Jordaninë, Kuvajtin dhe Bahreinin, qytetarët e të cilëve, sipas tij, po përballen me sulme agresive.
Begaj e mbyll reagimin duke theksuar se lutet për paqe, siguri dhe rikthimin e stabilitetit në rajon. /skyweb.al
