Një studim i fundit ka zbuluar se njerëzit sot komunikojnë më pak se sa një dekadë më parë, si me të afërmit ashtu edhe me të panjohurit. Rritja e përdorimit të teknologjisë, si mesazhet me tekst, porositë online dhe përdorimi i kufjeve, po redukton ndjeshëm ndërveprimet e përditshme ballë për ballë, shkruan Wall Street Journal.
Sipas analizës, shumë situata të zakonshme sociale po zhduken: bisedat e shkurtra me baristët, përshëndetjet me fqinjët apo telefonatat me familjarët janë zëvendësuar nga aplikacionet dhe komunikimi digjital.
Ekspertët paralajmërojnë se kjo rënie e komunikimit verbal mund të ndikojë negativisht në marrëdhëniet shoqërore dhe mirëqenien emocionale. Ndërkohë që teknologjia ofron komoditet dhe efikasitet, ajo po kufizon mundësitë për ndërveprime spontane dhe lidhje njerëzore.
Pyetja që ngrihet është e thjeshtë: kur ishte hera e fundit që biseduat me dikë përtej një mesazhi?
/skyweb.al
