Aeroporti Ndërkombëtar i Tiranës ka shënuar një rekord të ri të trafikut ajror, duke realizuar 322 mbërritje dhe nisje avionësh brenda 24 orëve, sipas të dhënave të publikuara nga Albcontrol.
Rekordi u vendos më 6 korrik 2026, duke kaluar rekordin e mëparshëm prej 318 fluturimesh, të regjistruar më 22 qershor 2026. Kjo përfaqëson një rritje prej 1.3% krahasuar me rekordin e mëparshëm.
Sipas Autoritetit të Aviacionit Civil, muaji qershor shënoi një rritje prej 34% të trafikut ajror në TIA, ndërsa mesatarja evropiane ishte vetëm 2%. Analiza e Eurocontrol Network Manager vlerësoi performancën e TIA dhe Albcontrol në përballimin e kësaj rritjeje, duke evidentuar gjithashtu se 19% e vonesave lidhen me operacionet në tokë, si aeroporti dhe kompanitë ajrore.
Autoritetet bëjnë të ditur se janë dakordësuar masa për optimizimin e procedurave, forcimin e koordinimit mes institucioneve dhe rritjen e kapaciteteve të furnizimit me karburant, me synim përmirësimin e mëtejshëm të performancës pa cenuar sigurinë e operimeve. /skyweb.al
