Dollari amerikan ka shfaqur edhe këtë mëngjes luhatje të lehta, me një tendencë relativisht pozitive krahasuar me ditën e djeshme. Sipas kursit të këmbimit lokal, ai blihet sot me 81 lekë dhe shitet me 82.1 lekë.
Ndërkohë, monedha europiane vijon të mbetet e qëndrueshme, pa ndryshime të ndjeshme në raport me ditën e kaluar. Euro blihet këtë mëngjes me 96.3 lekë dhe shitet me 96.9 lekë.
Franga zvicerane ka regjistruar një rënie të lehtë të vlerës gjatë ditës së sotme. Krahasuar me të hënën, ajo blihet me 104 lekë dhe shitet me 105 lekë në tregun e brendshëm valutor.
Nga ana tjetër, paundi britanik është forcuar, duke shënuar rritje ndaj ditës së djeshme. Sot ai blihet me 110.6 lekë dhe shitet me 111.6 lekë.
