Thinking Machines Lab, startup-i i inteligjencës artificiale i krijuar nga Mira Murati, po zhvillon një model të ri IA që synon ta bëjë ndërveprimin mes njerëzve dhe teknologjisë më të natyrshëm dhe më të shpejtë.
Sipas TechCrunch, kompania ka prezantuar modelin eksperimental “TML-Interaction-Small”, i aftë të dëgjojë përdoruesin dhe të gjenerojë përgjigje në të njëjtën kohë. Kjo e bën komunikimin të ngjajë më shumë me një bisedë telefonike reale sesa me formatin tradicional të chatbotëve.
Modeli përdor teknologjinë “full duplex”, e cila i mundëson sistemit të dëgjojë dhe të flasë njëkohësisht. Sipas kompanisë, ai mund të reagojë brenda vetëm 0.40 sekondash, një shpejtësi e krahasueshme me ritmin normal të komunikimit njerëzor dhe potencialisht më e avancuar se disa modele aktuale të OpenAI dhe Google.
Aktualisht modeli ndodhet ende në fazë kërkimore dhe nuk është i hapur për publikun, por një version testues pritet të prezantohet gjatë muajve të ardhshëm. /skyweb.al
