Presidenti i Republikës, Bajram Begaj, ka dekretuar sot shkarkimin e Evis Salës nga detyra e ministres së Shëndetësisë dhe Mirëqenies Sociale.
Në të njëjtën ditë, kreu i shtetit ka dekretuar Klodiana Spahiun në postin e ministres së re të Shëndetësisë dhe Mirëqenies Sociale.
Ndryshimet vijnë në kuadër të riformatimit të qeverisë, ndërsa dekretimi i Spahiut i hap rrugë procedurave për marrjen e detyrës së re.
Klodiana Spahiu pritet të bëjë betimin përpara Kuvendit gjatë seancës së sotme, në përputhje me procedurat kushtetuese.
Pas largimit të saj nga posti që mbante në Kuvend, pritet që mazhoranca të propozojë edhe një emër të ri për ta zëvendësuar.
