Sipas të dhënave më të fundit të renditjes së mesatares së IQ-së për vitin 2026, Shqipëria ka shënuar një përmirësim të ndjeshëm, duke arritur një mesatare prej 101 pikësh. Ky rezultat e rendit vendin në pozitën e 19-të në nivel global.
Krahasuar me vitin e kaluar, kur mesatarja ishte 97.19 pikë, Shqipëria ka regjistruar një rritje prej 3.81 pikësh. Renditja është publikuar nga platforma International IQ Test, e cila monitoron dhe analizon zhvillimin e aftësive intelektuale që nga viti 2018 përmes të dhënave të mbledhura nga përdoruesit e saj.
Për Shqipërinë, në këtë vlerësim kanë marrë pjesë 456 persona, të cilët kanë reflektuar një nivel mesatar të IQ-së prej 101 pikësh.
Renditja globale për vitin 2026 tregon se vendet me mesataren më të lartë të IQ-së janë Koreja e Jugut me 106.97 pikë, Kina me 106.48 pikë dhe Japonia me 106.3 pikë. /skyweb.al
