Operatori i Blerjeve të Përqendruara ka shpallur fituesin e lotit 3 të tenderit për pastrimin e zonës bregdetare gjatë sezonit turistik veror. Fitues është kompania Alko Impex Construction, në pronësi të nipit të ish-deputetit socialist Sadri Abazi, e cila ka ofruar një vlerë prej rreth 840 mijë euro me TVSH për pastrimin e bregdetit të Vlorës, Himarës dhe Sarandës.
Kontrata do të zgjasë 93 ditë, duke mbuluar muajt e sezonit të ngarkuar veror, ku fluksi i turistëve është më i larti në vit. Alko Impex ka konkurruar e vetme dhe nuk është skualifikuar asnjë ofertues tjetër në këtë lot.
Tenderi i plotë për pastrimin e gjithë vijës bregdetare nga Velipoja deri në Sarandë ka një vlerë totale rreth 2.4 milionë euro, të ndarë në tre lote që përfshijnë të gjitha bashkitë bregdetare të vendit./skyweb.al
