Në mbledhjen e zhvilluar sot, Këshilli i Ministrave miratoi disa vendime që parashikojnë rritje pagash me 2.5% për mësuesit e sistemit parauniversitar, punonjësit e Policisë së Shtetit dhe ushtarakët.
Kjo rritje do të ketë efekt financiar duke nisur nga 1 janari 2026, ndërsa shtesa mbi pagën bruto do të zbatohet pas publikimit të vendimeve në faqen zyrtare.
Në sistemin arsimor parauniversitar përfitojnë gjithsej rreth 36,390 punonjës mësimorë dhe jomësimorë.
-Për 30,000 mësues, psikologë, punonjës socialë dhe oficerë sigurie në institucionet arsimore parauniversitare, në varësi të Ministrisë së Arsimit, efekti financiar për pagat dhe sigurimet shoqërore e shëndetësore llogaritet në rreth 114.5 milionë lekë në muaj.
-Për 1,500 punonjës mësimorë të arsimit profesional, në varësi të Ministrisë së Ekonomisë dhe Inovacionit, efekti financiar përllogaritet rreth 6 milionë lekë në muaj.
*Për 4,890 punonjës të arsimit parashkollor, qendrave kulturore të fëmijëve dhe konvikteve shkollore, efekti financiar arrin në rreth 16.7 milionë lekë në muaj për pagat dhe sigurimet përkatëse.
