Presidenti amerikan Donald Trump po konsideron mundësinë e reduktimit gradual të operacioneve ushtarake të SHBA-së kundër Iranit, në mes të tensioneve të vazhdueshme në Lindjen e Mesme.
Sipas raportimit të Financial Times, Trump ka deklaruar se Shtetet e Bashkuara janë “shumë pranë” arritjes së objektivave ushtarake, duke lënë të kuptohet për një ndryshim të mundshëm të strategjisë.
Megjithatë, paralelisht me këtë qëndrim, Pentagoni ka urdhëruar dërgimin e trupave shtesë në rajon, çka tregon se situata mbetet e paqëndrueshme.
Zhvillimet vijnë në një moment kritik për sigurinë globale dhe tregjet ndërkombëtare, ndërsa konflikti me Iranin vazhdon të rrisë pasigurinë në rajon.
Analistët paralajmërojnë se çdo ndryshim në angazhimin ushtarak të SHBA-së mund të ketë ndikim të drejtpërdrejtë në stabilitetin e Lindjes së Mesme dhe në tregjet e energjisë. /skyweb.al
