Mesazhet me zë po bëhen gjithnjë e më të përdorura në komunikimin e përditshëm, por sipas studimeve, ato shpesh perceptohen si më të bezdisshme krahasuar me tekstet e gjata.
Sipas të dhënave të publikuara nga Iliria News, ndryshe nga mesazhet e shkruara, mesazhet zanore kërkojnë vëmendje të plotë nga marrësi dhe nuk mund të lexohen shpejt apo të kontrollohen lehtësisht, sidomos në ambiente publike.
Një tjetër arsye lidhet me mënyrën e përçimit të informacionit. Teksti i jep mundësi lexuesit të vendosë ritmin e komunikimit, ndërsa mesazhet me zë kontrollohen nga dërguesi, duke imponuar kohën dhe theksin e komunikimit.
Kjo bën që edhe një mesazh i shkurtër zanor të perceptohet më i gjatë dhe më i lodhshëm sesa një paragraf i shkruar.
Ekspertët theksojnë se, megjithëse ndryshimi mund të duket i vogël, ai ka ndikim të drejtpërdrejtë në mënyrën se si njerëzit e përjetojnë komunikimin në përditshmëri.
