Dollari amerikan ka vijuar rënien edhe këtë mëngjes, duke humbur vlerë për të dytën ditë radhazi. Në tregun valutor vendas, ai është këmbyer sot me 81.3 lekë në blerje dhe 82.6 lekë në shitje.
Ndërkohë, euro ka mbetur relativisht e qëndrueshme krahasuar me një ditë më parë, duke u blerë këtë të mërkurë me 95.3 lekë dhe duke u shitur me 96.1 lekë.
Franga zvicerane ka shënuar një rritje të lehtë gjatë mëngjesit të sotëm, duke u këmbyer me 103.1 lekë në blerje dhe 104.1 lekë në shitje, në krahasim me nivelet e ditës së martë.
Edhe paundi britanik është forcuar, duke regjistruar një rritje të lehtë të kursit. Ai është blerë sot me 109 lekë dhe është shitur me 110 lekë.
