Mjekët e urgjencës do të trajtohen njësoj si ata specialistë sa i përket nivelit të pagës duke filluar nga qershori.kështu deklaroi kryeministri Edi Rama, gjatë inspektimit në Spitalin e ri Rajonal në Lezhë.
“Ka filluar të konstatohet që nuk ka shumë kërkesa për mjekë të urgjencës krahasimisht me të tjerët. Nëse tjetri do të shkojë në atë front dhe do të trajtohet si mjek i përgjithshëm pa specialitet, do të zgjidhet në qershor me ndryshimet që bëhen çdo mes viti të buxhetit dhe do t’i përfshijmë në kategorinë e mjekëve specialistë si mjekë të urgjencës që të kenë një pagë dinjitoze”, tha Rama.
Sa I përket menaxhimit, kryeministri tha se po shqyrtohet edhe një model për ndërtimin e një spitali privat brenda atij publik.
“Duke diskutuar me nja dy grupe shumë të mëdha për të hyrë në marrëdhënie menaxhimi, Polonia ka bërë një super transformim. Të dy, pavarësisht nga njëri-tjetri, se e kemi diskutuar për ‘Nënë Terezën’, thonë që është kyç që të ndërtohet brenda spitalit një spital privat për mjekët e spitalit dhe të jetë pjesë e sistemit të punës së mjekëve të spitalit në mënyrë që t’iu japim mundësinë që ta kemi spitalin si vendin ku janë bashkëpronarë dhe të kenë një kapacitet të ardhurash sipas performances”, tha Rama, duke shtuar se duhen vendosur tarifa edhe për turistët. /skyweb.al
